Vinnan sigur altíð, at kundin skal koma í fyrstu røð.
Sama eigur sjálvandi at vera galdandi tá talan er um kommunala tænastu: Borgarin í fremstu røð.
Tí var tað var ógvulig hugstoytt at lesa, at tað tekur um tríggjar mánaðar at fáa eitt vanligt byggiloyvi í Tórshavn.
Fólk hava bíðað í áravís at fáa eitt grundstykki, síðani skulu tey bíða í longri tíð at fáa stykki matrikulerað, og so aftur at bíða í tríggjar mánaðar eftir byggiloyvinum.
Tað kann ikki vera rætt. Tá er borgarin ikki frammaliga í kommunala huganum, nei, hann er rættuliga aftarliga í røðini.
Eg veit væl, at kommunan hevur nógv at gera, men við umskipan og størri virðing fyri borgaranum, kann og skal slík long bíðitíð styttast munandi.
Jan Christiansen, Listi A
Um tú veitst okkurt, sum VP ikki veit - skriva so til vp@vp.fo