Landssjúkrahúsið hevur í kunngerðum gjørt tað púra greitt, og nú gera kommunulæknarnir tað sama.
- Av tí, at tað framvegis eru nógvir tilburðir av Covid-19 í Føroyum, heita vit á fólk – eisini tey koppsettu - um at hava negativt podanarsvar áðrenn tey møta til viðtalu. Soleiðis siga tey í kommunulæknaviðtaluni á Strondum, og Sjóvar kommuna ber boðskapin á heimasíðuni.
Snartestir, sum kunnu keypast í handlunum, kunnu ikki brúkast og eisini børn sum skulu til kanningar, eisini barnakanningar, skulu hava negativa test.
- Vit heita á tey, sum enn ikki eru koppsett fyri Covid-19, um at fáa hetta gjørt, ljóðar áheitanin frá kommunulæknunum á Strondum í Sjóvar kommunu.
Um tú veitst okkurt, sum VP ikki veit - skriva so til vp@vp.fo
