Heilsutrygd: Eftir at samráðingarnar millum Kommunulæknafelag Føroya og Fíggjarmálaráðið ikki bóru á mál, hevur Kommunulæknafelag Føroya valt at gera tillagingar í Læknavaktini 1870.
Í hesum sambandi hevur Kommunulæknafelagið boðað frá broytingum í tænastuni frá 1. juni 2023.
Læknavaktin svarar framvegis á telefon nr. 1870, og tað ber eisini til at ringja á tey telefonnummur, sum Kommunulæknafelagið hevur upplýst.
Í fyribilsskipanini verður altíð ein kommunulækni á vakt í meginøkinum. Skipan við koyrivakt heldur fram í Suðuroy og Sandoy.
Læknavaktin verður ikki longur staðsett á Landssjúkrahúsinum, men har sum vakthavandi læknin er.
Kommunulæknafelag Føroya fer at kunna borgarar á hóskandi hátt um nýggju fyribilsskipanina. Heilsutrygd fer at bera hesa kunning á www.heilsutrygd.fo
Samanumtikið verður hetta støðan frá 1. juni 2023:
1870 svarar framvegis, tá ringt verður til Læknavaktina.
Í meginøkinum verður ein lækni á vakt.
Í Suðuroy/Sandoy heldur tænastan við koyrivakt fram.
Um tú veitst okkurt, sum VP ikki veit - skriva so til vp@vp.fo
