Tað er við hittinorðum sum við menniskjum. Nøkur eru knapporðað, onnur prátingarsom – og øll eru ikki líka góð
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Framsýningar

Fríggjadagin tann 19. juni letur upp lista framsýning við verkum eftir listakvinnuna Silju Strøm í Gamla Seglhúsinum í Klaksvík.

Silja Strøm var ein av trimum listafólkum, sum herfyri fekk listafólkaløn, og sagt verður um hana, at hon vísir í síni myndlist evni at arbeiða leitandi og reflekterandi, har filosofiskir, samfelagsligir og eisini humoristiskir vinklar, mangan eru flættaðir saman. Hennara serligi áhugi í málningalistini, og hennara vitan og leitan innan hendan miðil, gevur hyggjaranum eina heilt serstaka uppliving, har hon eisini heilt konkret víðkar um málningalistina sum fyribrigdi, við at arbeiða í fleiri dimensiónum.

Umframt listina hjá Silju Strøm fer Teitur Lassen at syrgja fyri tónleikinum og listfrøðingurin Kinna Poulsen sigur nøkur orð.

Um tú veitst okkurt, sum VP ikki veit - skriva so til vp@vp.fo