Tað var í stríð við altjóða rætt tá ið íslendskir myndugleikar handtøku Thomas Møller Olsen umborð á Polar Nanoq í 2017 fyri at hava dripið Birnu Brjánsdóttir.
Í eini grein í løgfrøðiliga tíðarritinum Tímarit lögfræðingar, tala tveir íslendskir løgfrøðingar fyri, at handtøkan av tí nú dømda í Birnu-málinum Thomas Møller Olsen var í stríð við altjóða rætt, skrivar Frettabladid.
Løgfrøðingarnir halda, at íslendsku myndugleikarnir høvdu ongan rætt at fara umborð á grønlendska trolaran Polar Nanoq og handtaka Thomas Møller Olsen í januar 2017 stutt eftir at hava dripið Birnu Brjánsdóttir í Reykjavík, skrivar Sermitsiaq.
Um tú veitst okkurt, sum VP ikki veit - skriva so til vp@vp.fo