115 fólk afturat eru smittað seinasta samdøgrið, og støðan er blivin meira álvarsom.
Tað segði Bárður Nielsen, løgmaður, á tíðindafundi sum byrjaði nú klokkan 15.
- Tíverri mugu vit ásanna, at smittutrýstið er vorðið alt ov stórt. Okkurt bendir á, at fólk hava gloymt góðu vanarnar, millum annað við reinføri og frástøðu, segði løgmaður eisini.
Løgmaður heitti staðiliga á fólk um at fylgja nýggju tilmælunum, sum komu í gjár.
Løgmaður tosaði eisini um ágang ímóti starvsfólkum í heilsuverkinum.
- Hetta má halda uppat, segði løgmaður.
Um tú veitst okkurt, sum VP ikki veit - skriva so til vp@vp.fo