Bárður á Steig Nielsen, løgmaður, er ikki fegin um útsagnirnar hjá Jenisi av Rana, landsstýrismanni, her á VP í gjár, har landsstýrismaðurin segði, hann heldur ov skjótt verður farið fram við koppsetingunum ímóti korona. Landsstýrismaðurin segði millum annað, at hann ikki kennir seg nóg sannførdan um seinárinini av koppingini, og tí ætlar hann ikki at lata seg koppseta fyribils.
Bárður á Steig Nielsen sigur, at orðini hjá landsstýrismanninum ikki eru heppin fyri koppsetingarætlanina hjá landsstýrinum.
- Tað stendur fólki frítt um tey vilja lata seg koppseta. Men hetta er sera óheppi, og vit fara at taka hetta upp á einum komandi fundi í landsstýrinum, sigur løgmaður, sum í løtuni er í Íslandi í samband við fundarvirksemi í Arktiska Ráðnum.
Um tú veitst okkurt, sum VP ikki veit - skriva so til vp@vp.fo
