- Eg eri íslendsk og havi júst verið í Íslandi… kom heim aftur mánadagin fyri eini viku síðani. Har er eldgos, sum øll vita, og meðan eg var har yviri, var nógv luftdálking. Tað føldist turt og sindur skitið, meðan tað var sera lýtt, skrivar Sólrún Ásta Haraldsdóttir, sum hevur sent VP henda tekstin og myndir. 

- Í góðveðrinum í Føroyum í gjár var nógv tám… tað líktist sera nógv tí, sum var í Íslandi, og ikki so nógv typiskum mjørka/támi í Føroyum. Eg legði myndir út á ein íslendskan veður- og jarðfrøðinga áhugabólk og spurdi um tað kundi verið, at dálking frá eldgosinum var komin henda vegin. Tað tók ikki langa tíð at fáa svar at soleiðis var. (Sí mátingar á SO2 og PM2,5 í Havnardali)

- Hetta var kanska ikki so vandamikið fyri frísk fólk í gjár, men um ongin veit nær man skal ansa eftir, so kann tað gera skaða á børnum og fólki við lungasjúkum, um tey eru nógv uttandura, ella íðka uttandura/ganga tungar túrar í slíkum veðri. 

- Eg sendi nakrar myndir við, fyri at vísa hvussu tað sá út í Íslandi, og so hvussu tað sá út í gjár. 

- Tvær myndir havi eg lænt frá Jastrid á Dalbø. Hinar havi eg tikið sjálv, skrivar Sólrún Ásta Haraldsdóttir.