Hetta er seinasta vikuskifti áðrenn skúlarnir byrja aftur, og hóast talan hevur verið um eitt gott summar higartil, so sær út til at tað er meira eftir av tí góða. Og tað sæst aftur nógvastaðni, har fólk hava leitað sær út í náttúruna, til fjals ella strendurnar.
Hitamátingarnar hjá Landsverki vístu mesta hitan vestanfyri, tó eisini í Runavík, har máld vórðu góð 16 stig um trý tíðina seinnapartin. Á Høgareyni var mesti hitin 17,6 stig, men har er vert at hava í huga, at tann mátarin stendur høgt uppi, og tí er væl lýggjari niðri við sjógvin. Á Sandavágshálsi vóru 17 stig um trý tíðina og í Kaldbaksbotni bleiv ongantíð heitari enn 14 stig í dag.
Les eisini: Enn ein góðveðursvika fyri framman
Um tú veitst okkurt, sum VP ikki veit - skriva so til vp@vp.fo
