Herfyri var endalig avtala gjørd um søluna av Magnusi Heinasyni.
Søluprísurin var 1,1 millión krónur og tað er eitt felag í Kroatia, ið hevur keypt skipið. Í Kroatia skal Magnus Heinason umbyggjast og fer, tá umbyggingin er liðug, at sigla dagstúrar við ferðafólki í Adriahavinum.
Hann hevur fingið nýtt navn og eitur nú Mito.
Í síðstu viku fingu nýggju eigararnir frálæru í hvussu ymisku tólini verða brúkt, og í morgun legði Mito fyri síðstu ferð frá landi í Føroyum við kós móti Split í Kroatia.
Um tú veitst okkurt, sum VP ikki veit - skriva so til vp@vp.fo