Leygardagin 21. mai kl. 11.30 verður matiné í Havnar kirkju. Tað er kvinnukórið Sct. Nicolai Cantori úr Køge, sum fer at syngja. Urguleikarin í Sct Nicolai kirkju í Køge, Anne Kirstine Mathiesen stovnaði kórið í 2001 og leiðir hon kórið saman við Christina Schmidt Damm, sum eisini er urguleikari.
Í kórinum eru 20 sangarar og syngja tey til allar guðstænastur í Køge kirkju. Tey hava eisini konsertir ymsa staðni í Danmark og hava júst verið á konsertferð í Berlin, har tey sungu í Gedächtniskirkjuni og í tí Donsku kirkjuni.
Til matinéina Havnar kirkju framføra tey eina skrá við sangum skrivaðum av norðurlendskum tónasmiðjum. Skráin hevur yvirskriftina "Nordiske Glimt" og tónasmiðirnir eru millum annað Håkon Berg, Sigurbjørnsson. Danskir komponistar eru Michael Bojesen, Søs Fenger og Alberte.
Um tú veitst okkurt, sum VP ikki veit - skriva so til vp@vp.fo
