Í sambandi við eina av útgávunum av tíðarritinum hjá stóra bilframleiðaranum, eru fotografar komnir til Føroya at taka upp og skriva um føroysku fyritøkuna PM, sum hevur brúkt Mercedes bilar í 42 ár, og bara brúkt Mercedes bilar.
Poul Michelsen sigur í stuttari viðmerking við VP, at ætlanin er at fotografarnir skulu koyra runt landið við bilunum, teir eru vesturi í Vágum í dag, og ein túrur verður eisini gjørdur í Eysturoyartunnilin, har upptøkur verða gjørdar í rundkoyringini um náttina.
- Vit hava havt eitt gott samstarv við Mercedes, sum designar okkara bilar til okkara brúk, og vit eru fegnir um at teir til komandi útgávu av tíðarritinum hava valt okkum og Føroyar, sigur Poul Michelsen.
Myndir: Ólavur Frederiksen
Um tú veitst okkurt, sum VP ikki veit - skriva so til vp@vp.fo