Í gjár vóru 216 nýggir tilburðir staðfestir, vísa nýggjastu tølini hjá landslæknanum.
Tað er meira enn nakrantíð í Føroyum.
Øll tey smittaðu hava fingið boð.
3.078 kanningar vóru gjørdar seinasta samdøgrið. Smittuprosentið var sostatt 7, sum eisini er nakað av tí mesta, sum tað hevur verið. Positivitprosentið vil siga, hvussu stórur partur av teimum sum verða kannað eru positiv.
Í løtuni eru 725 smittað, trý eru innløgd, og 14 eru deyð við koronu í Føroyum. Sostatt er eisini eitt fólk afturat deytt við koronu seinasta samdøgrið.
Um tú veitst okkurt, sum VP ikki veit - skriva so til vp@vp.fo