Bestu kokkarnir í norðurlondum verða hjástaddir, tá Michelin í kvøld býtir út stjørnur í Aarhus.
HORESTA, sum er felagsskapur fyri matstovur og gistingarhús, hevur í tí sambandinum gjørt eina greining av týdninginum, tað hevur, at fáa eina Michelinstjørnu.
Greiningin vísir, at stjørnan skapar umtalu, og matstovan fær eisini nógv fleiri bíleggingar. Men tað nýtist ikki at merkja, at hon fer at forvinna fleiri pengar.
Niðurstøðan í greiningini vísir millum annað, at michelinmatstovurnar selja fyri í miðal 12,7 mió kr. Men hóast nógv fleiri kundar, eftir at stjørnan er komin til høldar, so liggja bara í miðal 150 tkr eftir á botnlinjuni. Oftast tí, at størri umsetningurin, fyrsta stjørnan gevur, ofta verður brúkt til at seta fleiri fólk og vørumenning.
Gestirnir brúka í miðal 1.600 kr umframt mvg.
Um tú veitst okkurt, sum VP ikki veit - skriva so til vp@vp.fo