Mikudagin í seinastu viku, var Glyvraskúli og forskúlin Brúgvin á Glyvrum karmur um árliga forskúladagin, sum hevur verið hildin seinastu árini, millum allar forskúlarnar í Føroyum.
Í ár luttóku allir forskúlarnir, og framførdu tey øll sangir og annað, og var tað sera hugnaligt.
Tað var skúlastjórin við Glyvra Skúla, Hans Michael í Mittúni, ið beyð vælkomin og eftir hetta komu allir forskúlarnir at framføra. Til seinast, kom Klovnurin BUBU á vitjan og framførdi ein nýggjan sang, saman við forskúlabørnunum í Kelduni og síðani øllum.
So fóru øll at eta matpakkar, ímeðan námsfrøðingar og lærarar vóru boðin til búgvi borð.
Børnini spældu so í fimleikarhøllini, garðinum, kring skúlan og í forskúlahølunum, áðrenn kaka, og frukt var boðin, áðrenn felagssmynd var tikin.
Øll vóru sera fegin um dagin og fegnaðust um góðu móttøkuna á Glyvrum.
Um tú veitst okkurt, sum VP ikki veit - skriva so til vp@vp.fo
