Var ein túr í Gásadali á middegi - tá ljósast er úti.
Koyrdi gjøgnum Gásadalstunnilin - har nógvir hálvmaraton rennarar hava runnið ígjøgnum í dag.
Gjørdist ikki sørt skelkaður.
Tók hesa myndina í tunlinum, sum vísir, at so at siga einki ljós er í tunlinum.
Rætt skal vera rætt - tá tú nærkast tunnilsmunnanum Gásadalsmegin eru 12 perur.
Er tað loyvt at hava ein svartan Gásadalstunnil?
Er onki kravt minstamark fyri ljós í einum slíkum tunli?
Er loyvt at nýta tunnilin í dag við ongum ljósi?
Spyrji víðari um tað ikki er uppá tíðina at nýggj ljósskipan verður sett upp í svarta Gásadalstunlinum beinanvegin?
Havi hoyrt, at perur verða tiknar úr Gásadalstunlinum fyri at ljós kann verða í øðrum tunlum.
Er tað veruliga satt?
Vágamaður
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
