Fleiri av bløðunum, sum norska miðlafyritøkan Amadia gevur út, komu ikki út í dag, tí fyritøkan er álopin av teldusníkum.
Amedia gevur vanliga út fleiri enn 100 avísir, lokalbløð og líknandi. Yvir 3.500 fólk arbeiða hjá fyritøkuni.
- Vit hava fingið eini boð, men vilja ikki lata tey upp, og hava sent alt málið víðari til politiið, sigur Pål Nedregotten, sum er stjóri. Hann vísir samstundis aftur, at talan kann verða um at gjalda nakað slag av loysigjaldi fyri at teldusníkarnir skulu leysgeva skipanirnar aftur.
Um tú veitst okkurt, sum VP ikki veit - skriva so til vp@vp.fo