Í løtuni mótmæla næmingarnir á Glasi, tí tey skulu gjalda 250 krónur um árið fyri nýtslu av vardum verkum, stendur í skrivi næmingarnir hava fingið frá undirvísingarstjórunum.
Tað eru Mentamálaráðið og Fjølrit sum hava gjørt avtalu um, hvussu gjaldast skal fyri nýtslu av til dømis tekstum og avritum av tekstum í undirvísingini.
- Fyri okkum á Glasi merkir avtalan, at allir næmingar á gymnasialum miðnámi og FHDS skulu rinda 250 kr, hvørt av skúlaárunum á Glasi, stendur í skrivinum til næmingarnar.
Fjølrit er felagsskapur, sum varðar av áhugamálum hjá føroyskum rithøvundum, tónaskøldum, yrkisfotografum, bókaforløgum, miðlafólkum og myndlistafólkum.
Um tú veitst okkurt, sum VP ikki veit - skriva so til vp@vp.fo
