Øll starvsfólk á sjúkrahúsum og í eldrarøktini í New York hava freist til á miðnátt, lokala tíð, at lata seg vaksinera við fyrsta prikinum móti koronu - ella fáa tey fótin, verða send til hús uttan løn, ella sleppa ikki til arbeiðis, skrivar norska Dagbladet.
Sambært New York Times er hetta galdandi fyri fleiri heilsustasrvsfólk í deilstatinum - neyva talið er um 70 000 á sjúkrahúsum og 20 000 á røktarheimum.
Hetta svarar til umleið 16 prosent av samlaðu arbeiðsstyrkini.
Guvernørurin í New York, Kathy Hochul, umhugsar at brúka tjóðarhirðina, umframt útlendska medisinska arbeiðsmegi at seta í starv ístaðin fyri tey sum ikki eru vaksinerað.
- Tað finst eingin umbering, sigur hon.
Um tú veitst okkurt, sum VP ikki veit - skriva so til vp@vp.fo