Um tú ikki kanst føða 100 munnar, byrja so við einum
- Móðir Teresa

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Fríggjadagin var Heilsuhjálparafelag Føroya á fundi við landsstýrismannin í fíggjarmálum, Jørgen Niclasen.

Á fundinum legði felagið fram uppskot, um hvussu vit kunnu loysa eina av størstu og mest átrokandi avbjóðingunum hjá føroyska samfelagnum – stóra trotið á starvsfólki at ansa okkara eldru og veiku borgarar.

Tað skerst ikki burtur, at hyggjast má eftir longdini av vaktunum og starvsfólkanormeringini, men mest av øllum eftir sjálvari lønini.

Miðal mánaðarlønin hjá heilsuhjálparum var í fjør beint yvir 15.000 kr. – Hesum kann eingin liva av.

Útrokningar vísa, at netto kostnaðurin av at lyfta allar limirnar hjá Heilsuhjálparfelagnum upp á eitt lønarstøði, ið samsvarar miðallønini í almenna geiranum, er einans 9,4 mió um árið. Tí heitti felagið á Jørgen Niclasen um at finna hendan pening, og soleiðis steðga støðugu frágongdini av starvsfólki.

Heilsuhjálparar gera veruliga eitt týdningarmikið arbeiði, ið ger mun fyri okkara eldru og veiku. Tí kann eingin liva við, at trotið á heilsuhjálparar alsamt veksur.

Seinni í vikuni fer Heilsuhjálparafelag Føroya undir samráðingar við Kommunala Arbeiðsgevarafelagið. Hesar samráðingar eru gylta høvið hjá pørtunum at saman loysa hesa avbjóðing, ið hóttir okkara eldru, okkara veiku og okkum sum samfelag.

At Búskaparráðið, stovnsleiðslur og starvsfólk hava rópt varskó í langa tíð, hevur hvørki fingið land ella kommunur at gera neyðugu ábøturnar. Ístaðin er málið parkerað í einum arbeiðsbólki, ið skal gera eitt álit, alt meðan starvsfólk flýggja og starvsfólkatørvurin gerst meira átrokandi.

Hvørja viku fær Heilsuhjálparafelag Føroya fyrispurningar frá limum, ið vilja gevast í størvum sínum. Tí er tørvurin á eini loysn her og nú.

Mary Antonsdóttir, forkvinna
Heilsuhjálparafelag Føroya

Um tú veitst okkurt, sum VP ikki veit - skriva so til vp@vp.fo