Tað hevur verið friðarligt í býnum hetta vikuskiftið.
Politiið gjørdi eitt átak í gjárkvøldið, har bilar vóru steðgaðir og førarin kannaður fyri millum annað rúsdrekka. Umleið 20 bilar vóru steðgaðir, men ongin av hesum førarunum hevði nakað í blóðinum, sum ikki skuldi vera har tá talan er um at føra motorakfar.
Men tvey mál spurdust tó burturúr øðrum førum, har blóðroynd varð tikin av bilførarum, og í tí eina førinum var talan um rúsevni í blóðinum hjá føraranum, í hinum førinum rúsdrekka. Tað er hvørki loyvt at koyra bil ávirkaður av rúsevnum ella rúsdrekka, og avleiðingin er tann sama í báðum førum, frádøming av rættinum at koyra bil umframt bót.
Um tú veitst okkurt, sum VP ikki veit - skriva so til vp@vp.fo