Alt meira bendir á, at skuldsetti maðurin sum framdi deyðiligu álopini í Kongsberg hevur álvarsliga sálarsjúku. Hann er beint nú ov illa fyri til at verða avhoyrdur, hevur løgreglan sagt við fleiri miðlar.
Fyribils er maðurin avhoyrdur tríggjar ferðir. Beint tá hann var handtikin og tvær ferðir hósdagin. Politiið hevur eisini avhoyrt 50 onnur fólk, og teirra frágreiðingar samsvara væl við tað, sum skuldsetti maðurin sjálvur greiðir frá. Út frá hesum hevur politiið gjørt tað fyribils niðurstøðuna, at maðurin var einsamallur um álopið. Hann hevur vátta hendingarnar sum fóru fram, men vil ikki viðganga, at hann hevur dripið nakran.
Politiið hevur eisini nú sett nøvn á øll tey deyðu. Talan er um fýra kvinnur, 52, 56, 75 og 78 ár, og ein mann sum var 75 ár.
Um tú veitst okkurt, sum VP ikki veit - skriva so til vp@vp.fo
