Dugni og Amnesty International Føroyar: "Lat tínar kertustubbar til Amnesty og hjálp okkum at gera endurnýtt Amnestyljós. Eitt ljós sum birtir vón."
Í mong ár hevur Amnesty selt kertuljós í desember mánaði og eggja fólki at tendra eitt ljós á altjóða mannarættindadegnum tann 10. desember. Hetta fyri at minnast øll tey, hvørs rættindi framvegis eru skerd. Og ljósið birtir samstundis eina vón.
Í ár eru vit farin í samstarv við Dugna um at framleiða og selja endurnýtt kertuljós. Í hesum sambandi fara vit undir átak at savna inn kertustubbar. Hartil, stuðla handlarnir hjá Á og FK verkætlanini og fara at seta frámerkt íløt fram í handlunum, har ein kann lata sínir kertustubbar.
Hjá Dugna er framleiðslan longu farin í gongd. Sí viðheft videobrot:
Tað hevði glett okkum, um tú hevði hetta í huga og lat okkum tínir kertustubbar til endurnýtslu í Á- og FK-handlunum kring landið ella hjá Dugna.
Ljósini kunnu bíleggjast longu nú á elsa(at)amnesty.fo, og annars verður ljósasølan kring landið fyrsta vikuskiftið í desember mánaði.
Um tú veitst okkurt, sum VP ikki veit - skriva so til vp@vp.fo