Hóast nógv tey flestu í dag lata inn mvg uppgerðina talgilt, so er tað framvegis gjørligt at lata inn mvg uppgerðina á pappíri. Men tað skal nú broytast, so einasti møguleikin er at lata inn talgilt.
Tað vil Taks, og tí hevur Fíggjarmálaráðið sent lóg til hoyringar um ymsar broytingar í lógini um meirvirðisgjald, millum annað hesa.
Í viðmerkingunum til uppskotið sæst, at av teimum 4.805 MVG-uppgerðunum, sum áttu at verða innlatnar 2. ársfjórðing 2023, blivu 4.221 innlatnar talgilt, 323 onkursvegna manuelt, meðan 261 framvegis mangla at koma inn. Hetta svarar til at 88% blivu innlatnar talgilt, og at 7% blivu innlatnar á annan hátt, stendur í viðmerkingunum.
Um tú veitst okkurt, sum VP ikki veit - skriva so til vp@vp.fo
