Fyrrverandi danski forsætisráðharrin er so smátt farin at loysa frá posabandinum viðvíkjandi politikkinum hjá nýggja flokkinum.
Øll ung eiga at gera eitt slag av samfelagsligari herskyldu, eina borgaraskyldu í seks mánaðir. Tey kunnu hjálpa til á ellisheimum, í verjuni, innan mentanarlívið, náttúruverju ella í stovnunum, okkara sivilsamfelag hvílir á, heldur Lars Løkke Rasmussen, sum eftir 40 ára limaskap segði flokkinum Vinstra farvæl og nú ætlar at stovna nýggjan flokk, Moderaterne.
- Vit hava leingi havt herskyldu, og tann skyldan kom, tí landið var hótt og mátti verjast. Nú hava vit aðrar avbjóðingar og brúk fyri djúpri loysnum, sigur Lars Løkke Rasmussen við Weekendavísina.
- Tað fylgja skyldur við at vera borgari í okkara samfelag, skyldur sum røkka longri enn bara eg, eg og aftur eg. Vit eru borgarar, men eisini meðborgarar, sigur føroyskt gifti Lars Løkke Rasmussen, sum fekk yvir 40.000 persónligar atkvøður, seinast fólkatingsval var í Danmark.
Um tú veitst okkurt, sum VP ikki veit - skriva so til vp@vp.fo
