Ein nýggj smittualda rakar partar av Asia. Singapore, sum fyrimyndarliga fekk tamarhald á koronasmittuni sera skjótt, hevur ongantíð havt so nógvar nýggjar smittutilburðir sum í gjár.
20.000 útlendsk arbeiðsfólk eru sett í sóttarhald. Frá í morgin verða næstan allar fyritøkur í býnum stongdar komandi fýra vikurnar. Innferðarbann er sett øllum útlendskum ríkisborgarum sum ikki hava uppihaldsloyvi.
– Vit hava avgjørt at í staðin fyri eina stigvísa herðing komandi vikurnar, so taka vit ordiliga fatt nú fyri at steðga smittuni. Vit seta munandi harðari tiltøk í verk. Hetta er sum at sløkkja høvuðsavbrótaran, segði forsætisráðharrin í Singapore, Lee Hsien Loong, í eini talu um vikuskiftið, skrivar DN.NO.
Um tú veitst okkurt, sum VP ikki veit - skriva so til vp@vp.fo
