Eg haldi ikki, at tað er hóskiligt, at fáa slíkar grafiskar lýsingar um neyðtøku av eini neyðars seytjan ára gamlari gentu í havnini.
Yvirskriftin skuldi sloppið at staðið fyri seg.
Hon segði nokk.
Grafisku detaljurnar vóru fullkomiliga óhóskiligar at verða varpaðar í almennum útvarpi, og tað enntá í sunnudagsdøgverðatíð.
Góðu kunnu tit ikki hugsa tykkum betri um, hesum viðvíkjandi.
Eftir míni metan eru tvey ting, sum almennir miðlar ikki eiga at lýsa út í æsir, tað er morð og siðamisbrot, tí at tað veika sinnið orkar ikki at fáa slíkt gjølla lýst; tú plantar myndir í teirra huga, sum vilja órógva tey og kunnu freista hin veika út í tað sama, til dømis í rúsaðum tilstandi.
Slíkt verður altso fremjandi, ikki doyvandi.
Skilji tann, ið kann.
Sjúrður-FKJ-Højgaard
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
