Í sambandi við at tað 1. november vóru liðin 60 ár, síðani Ólavur Halgi á fyrsta sinni kom á Fuglafjørð, fer Jógvan á Lakjuni at hugleiða eitt sindur í Ribarhúsi í kvøld, hóskvøldið, 5. des. kl. 20.00.
Tað var stórt arbeiðsloysi í Fuglafirði í 50-árunum sum so manga aðrastaðni í Føroyum. Fleiri av virkjunum fóru á húsagang, og nógv fiskiskip lógu bundin við bryggju.
Tað var tí ein stórur dagur, tá ið Ólavur Halgi fyrstu ferð kom á Fuglafjørð, 1. november 1959. Og frá seinast í fimmti-árunum og nakað út í sjeyti-árini var Ólavur Halgi ein serligur og týðandi partur av vinnulívinum har og annars av Fuglafjarðar søgu.
Í Ribarhúsi verður eisini ein kaffidussur og kakubiti at fáa, og tiltakið er ókeypis.
Um tú veitst okkurt, sum VP ikki veit - skriva so til vp@vp.fo
