Tilmælini í samband við korona farsóttina, serliga tilmælini um frástøðu og styttri upplatingartíðir í náttarlívinum, hava gjørt, at svikið við gjaldskortum er minkað nógv.
Nets, sum umsitur Dankortini, sum føroyingar eisini brúka, upplýsir, at upphæddirnar, sum stolið er fyri, eru bara helvtin av tí sum tær vóru somu tíð í fjør. Frá januar til juni í ár er stolið fyri 4,6 milliónir krónur, sama tíðarskeið í 2019 var stolið fyri 8 milliónir krónur.
- Tað er serliga í náttarlívinum, at svikað verður. Men við frástøðu og nógv minni náttarlívi er hesin møguleikin hjá tjóvunum nærum ikki til meira, sigur stjórin í Nets, Jeppe Juul-Andersen, við danskar miðlar.
Um tú veitst okkurt, sum VP ikki veit - skriva so til vp@vp.fo
