Bernie Connell hevur alt ostrur á australsku eysturstondini í 55 ár. Og nú heldur hann, at hann hevur eina søgu at fortelja. Tí hann hevur alt eina ostru, sum er so stór, at hon vigar heili 3,01 kilo, og tað er met í Australia og helst eisini heimsmet, heldur hann, sum hevur søkt um at koma í metbókina hjá Guinnes við síni Ostru.
Jill, sum ostran eitur, er upprunaliga úr Tasmania og er næstan 10 ára gomul. Varð hon seld í Kina ella Japan, har fólk eru serliga óð eftir ostru, kundi hann fingið 100.000 australskar dollarar, sum er einar 450.000 krónur fyri hana.
Gamla metið er danskt, men tann ostran vigaði bara 1,6 kilo og er frá 2013, skrivar ABC.
Um tú veitst okkurt, sum VP ikki veit - skriva so til vp@vp.fo
