Í morgin hevur Eysturoyartunnilin verið opin í fýra mánaðir, og hóast í miðal 4.500 bilar koyra ígjøgnum um dagin, so er tað ikki so nógv sum tey aftanfyri tunnilin høvdu væntað.
Tað upplýsir Teitur Samuelsen, stjóri, fyri Kringvarpinum.
- Summi sløg av bilum velja tunnilin frá og so er tað eisini ov dýrt fyri pendlarar, men vit bíða eftir einum útspæli frá landsstýrinum viðvíkjandi koyripengum, segði Teitur Samuelsen millum annað.
Hann tordi ikki at lova, at tað fór at blíva bíligari at koyra gjøgnum tunnilin, tí inntøkurnar skulu koma upp á 200 milliónir árliga.
Um tú veitst okkurt, sum VP ikki veit - skriva so til vp@vp.fo