Minst 24 fólk eru deyð og minst 87 eru bara horvin eftir mótmælisgongur og ógvusligar gøtubardagar sum hava verið í fleiri býum í suðuramerikanska landinum Kolumbia seinastu dagarnar.
Mótmælini byrjaðu, tá forseti landsind, Iván Duque, herfyri legði fram eitt lógaruppskot um hægri skatt og fleiri avgjøld á eitt nú bensin og fleiri vanligar vørur. Serliga tann stóri miðalklassin í landinum verður hart raktur, og hóast forsetin síðani hevur tikið lógaruppskotið aftur, so halda mótmælini fram.
- Fólk eru ónøgd við ójavnan, kopputiónina og óskilið í hesum landinum, sum eitt av mótmælisfólkunum sigur við ein av nógvu altjóða miðlunum sum eru í landinum og fylgja við í tí sum hendir.
Eitt nú skrivar CBS news, at í fleiri av býunum minnir støðan mest um beinleiðis kríggj.
Um tú veitst okkurt, sum VP ikki veit - skriva so til vp@vp.fo