Onnur tíðindi
Tað er sera lýtt í veðrinum í Vestmanna aftur í dag, og tí er vandi fyri at tvøstið gerst brunnið frá grindini, sum legði beinini í gjár.
Vestmanna Kommuna heitir á tey, sum vilja hava heimapart, at bera skjótt at og fara at skera upp á kaiini.
- Vestmanna Kommuna hevur tíverri ikki manning til at skera upp, so tey, sum ynskja heimapart, eru vælkomin oman á kaiina at skera upp sum skjótast, tí heitt er í veðrinum, og tí kann bruni koma í grindina. Áhugað kunnu venda sær til Jóna Durhuus, sum er á kaiøkinum og kann vísa á, hvar hvalirnir hjá Vestmanna Kommunu liggja, sigur kommunan á heimasíðuni.
Um tú veitst okkurt, sum VP ikki veit - skriva so til vp@vp.fo
