Tað ber ikki til at vanvirða fjøldina og samstundis brellast eftir tokka hennara
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Reyði Krossur: Tá koronasmittan av álvara byrjaði at gera um seg í Føroyum, setti Reyði Krossur Hjálparnetverkið ímóti COVID-19 á stovn, til tess at stuðla borgarum, ið onkursvegna hava avbjóðingar av koronakreppuni.

 

Í Hjálparnetverkinum eru higartil áleið 120 sjálvboðin, ið á ymiskan hátt hava víst framúrskarðandi førleikar og vilja til at hjálpa sínum medmenniskjum.

 

Yvir 100 borgarar kring landið hava higartil fingið hjálp, eitt nú  frá vitjanarvinum, við mat- og klædnahjálp, koyring í heimauppihald ella sóttarhald og við praktiskum uppgávum, sum t.d. innkeypi. Harumframt hava fleiri fingið ráðgeving frá professionellum sálarfrøðingum.

 

Betri, Bakkafrost, JFK og Fólkakirkjan hava latið stórar og kærkomnar peningaligar gávur fyri upphæddir ímillum kr. 100.000 og kr. 200.000.

 

Við stuðli frá m.a. JFK, Leif Mohr, Krás og Sandá, er Reyði Krossur farin undir virksemið Mathjálp, ið letur frystan døgurðamat til familjur og einstaklingar, ið ikki eru so væl fyri fíggjarliga.

 

Bilasølan Auto Service og bilaleigarin Avis hava latið Hjálparnetverkinum mini-bussar, soleiðis at sjálvboðin í Hjálparnetverkinum kunnu koyra borgarar í heimauppihald ella sóttarhald.

 

Aðrir týdningamiklir stuðlar, ið hava latið gávur til Hjálparnetverkið, ella latið góðan avsláttur, eru Framskák, Bilrøkt, PM, FK, umframt hópin av privatpersónum og smærri bólkum.

 

Reyði Krossur takkar hjartaliga bæði stuðlum og sjálvbodnum í Hjálparnetverkinum.

 

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo