Tað er nú ein veruligur vandi fyri, at Russland ikki megnar at gjalda til dømis sínar rokningar, lønir til alment sett starvsfólk og rentur til lánsgevarar, tí búskapurin er blivin so illa fyri av tiltøkunum sum eru sett í verk ímóti landinum síðani innrásina í Ukraina.
Tað sigur kreditmetingarfyritøkan Fitch sum fleiri ferðir áður hevur sett sína meting av russiska búskapinum niður - hesaferð við 6 stigum til C støði, skriva fleiri miðlar.
Ein gjaldsteðgur plagar vanliga at koma áðrenn húsagang, og fleiri røddir hava eisini verið frammi og nevnt møguleikan fyri einum russiskum statshúsagangi. Russiska gjaldoyrað, rubilin, er nógv minkaður í virði síðani innrásina.
Um tú veitst okkurt, sum VP ikki veit - skriva so til vp@vp.fo