Onnur tíðindi
Verjumálaráðið í Russlandi sigur seg vilja spara lívini hjá ukrainsku hermonnunum í býnum Mariupol, um teir leggja vápnini frá sær innan klokkan 04 í nátt, skrivar russiska tíðindastovan TASS, sambært Reuters.
Sambært russisku myndugleikunum hava ukrainsku hermenninir sum eru eftir í býnum víggirt seg á stálverkinum Azovstal.
Tass endurgevur herovastan Mikhail Mizintsev í russiska verjumálaráðnum fyri at siga, at støðan á stálverkinum er «katastrofal».
Russland sigur ukrainsku hermenninir í Mariupol hava biðið um loyvi frá Kyiv um at yvirgeva seg, skrivar NRK.
Um tú veitst okkurt, sum VP ikki veit - skriva so til vp@vp.fo
