Fyri páskir varð seinasta ballan hjá IRF í grótbrotinum úti á Vík í Leirvík brend.
Í 2018 varð Brennistøðin á Hagaleiti umvæld, og í tí sambandi lá hon still í fýra mánaðir. Í hesum tíðarskeiðnum varð alt brenniburturkastið ballað og lagt á goymslu í grótbrotinum úti á Vík.
Tilsamans vórðu 10.230 ballur lagdar á goymslu, og beint fyri páskir varð seinasta ballan koyrd í køstin á Brennistøðini.
Tað hevur tikið longri tíð enn upprunaliga mett at brenna alt burturkastið á goymsluni, og hetta kemst m.a. av góðu gongdini í samfelagnum seinastu árini og metstóru nøgdunum av burturkasti.
Umvælingin av Brennistøðini hevur eydnast avbera væl, og við nýggju Móttøkuhøllini hjá IRF, sum varð tikin í nýtslu í januar, og við samstarvinum millum hesar báðar støðirnar er IRF farið frá at brenna 55 tons um samdøgrið til í miðal 75 tons um samdøgrið .
Um tú veitst okkurt, sum VP ikki veit - skriva so til vp@vp.fo
