Um tú ynskir at bíleggja tær eitt JobPrát við ein ella fleiri av luttakarunum á Jobmatch 2015, so skalt tú skunda tær. Seinasta freist at bíleggja JobPrát er í dag sunnudagin 27. desember á midnátt.
Tað er tó ikki ein treyt at bíleggja JobPrát fyri at luttaka á Jobmatch. Tú hevur sjálvandi eisini møguleika at hitta allar fyritøkurnar, stovnarnar og kommunurnar bara við at vitja á teirra bási í Norðurlandahúsinum týsdagin 29. desember frá klokkan 13.00 - 19.00.
Jobmatch hevur til endamáls at skapa og viðlíkahalda sambandið millum føroyska arbeiðsmarknaðin og lesandi, nýútbúgvin og útisetar sum heild.
Men arbeiðsloysi í Føroyum er sera lágt. Royndir uttanlanda vísa, at í slíkum tíðum hava starvsfólk hug og dirvi til at kunna seg um nýggjar starvsmøguleikar. Tí fevnir Jobmatch nú eisini um útbúgvin fólk við royndum, tvs. tey sum sita í starvi nú, men sum hava áhuga í at kunna seg um nýggjar møguleikar.
Tú kanst lesa um størv, fyritøkur og stovnar á jobmatch.fo
Jobmatch 2015 verður stuðla av Tórshavnar kommunu og Bakkafrost.
Um tú veitst okkurt, sum VP ikki veit - skriva so til vp@vp.fo