SEV: Eftirspurningurin eftir elorku heldur fram at vaksa, og fyrstu sjey mánaðirnar í ár eru tilsamans framleiddir 227,3 GWt; t.e. 6,2% meira enn somu tíð í fjør.
Eins og undanfarin ár er lakari við grønu orkuni um summarið enn um veturin. Tó er grøna framleiðslan higartil í ár 2,5 GWt meira enn sama tíðarskeið í fjør. Lutfalsliga er grøna orkan higartil í ár tó sløk 36% í mun til 37% av samlaðu framleiðsluni somu tíð í fjør. Lutfallið fer aftur vegna stóran vøkstur í samlaðu elframleiðsluni.
Býtið millum orkukeldurnar í tíðarskeiðnum frá januar til juli 2020 er 64% olja, meðan vatn og vindur stóðu fyri ávikavist 24% og 12%.
Um tú veitst okkurt, sum VP ikki veit - skriva so til vp@vp.fo