Onnur tíðindi
Svenska fyritøkan Minesto, sum saman við SEV arbeiðir við at seta ein sonevndan dreka út í Vestmannasund, sum skal vinna orku úr sjóvarfallinum, fer at gera eina roynd afturat at seta drekan út um miðjan oktober.
Tað hevur Minesto boðað frá á heimasíðuni.
Royndir vórðu gjørdar fyrr í summar, men ymsir trupulleikar gjørdu, at steðgað varð á og Minesto sigur, at umvælingar skulu gerast har sum drekin er festur í botn.
Minesto boðar eisini frá, at eitt annað stað í Føroyum er kannað, fyri at vita um tað er egnað til at seta ein líknandi dreka upp. Men onki verður sagt um, hvar í Føroyum tað er.
Um tú veitst okkurt, sum VP ikki veit - skriva so til vp@vp.fo
