(mynd Bjarni Nygaard)
(mynd Bjarni Nygaard)
Norska TV2 hevur verið í Føroyum og gjørt eina vangamynd av Ken Fagerberg, sum spælir fótbólt á Tvøroyri.
Hann kom til Føroya at spæla við 07Vestur í 2017 og er síðani fluttur og trívist sera væl í Føroyum, greiðir hann frá.
Men tað hevur ikki altíð gingist honum so væl. Í sendingini kemur fram, at hann sum yngri tók narkotika og drakk illa og var ein ordans buldribassi, sum hann sjálvur sigur.
- Helst var tað ein partur av orsøkini til at eg flutti, og eisini tí at eg fekk familju, sigur Ken Fagerberg við norska TV2, har tað eisini kemur fram, at átrúnaður fyllir nógv í lívinum hjá honum, og at hann í dag er konverteraður og blivin muslimur.
Um tú veitst okkurt, sum VP ikki veit - skriva so til vp@vp.fo
