Tá ið løgreglan stongdi aðrar krypteraðar tænastur brúktar av kriminellum fóru teir til eina nýggja tænastu – ANoM.
Trupulleikin var bara at hon var rikin av løgregluni eftir samstarv við ein informant.
Dokument frá rættinum í USA vísa hvussu FBI fór undir átakið sum nú er kent sum Operasjon Trojan Shield.
Løgregla um allan heimin hevur nú almannakunngjørt hvussu hon arbeiddi móti hesum netverkinum av kriminellum í 16 londum.
Tilsamans eru yvir 800 persónar handtiknir. Hald er lagt á stóra nøgd av narkotika og vápn.
Í Svøríki sigur løgreglan at hon hevur hindrað um tíggju ætlanir um dráp við hjálp frá innlitinum í samskifti millum brotsmenninar.
Um tú veitst okkurt, sum VP ikki veit - skriva so til vp@vp.fo