Undir viðgerðini av uppskotinum hjá Sambandsflokkinum um broyting í almannapensjónum, broyting í mótrokning av pensjón, segði Jørgen Niclasen millum annað, tá ið hann var spurdur, hvussu ein mótrokning á 90.000 krónur ( tað sama sum hjá fyritíðarpensjonistum) skuldi fíggjast, at til dømis kostar landsfyrisitingin, tað vil siga skrivstovurnar hjá landsstýrisfólkum og landstýrifólkalønir 25 mió. kr. meira næsta ár enn í fjør.
- Tað eiga vit at skera niður, segði Jørgen Niclasen.
- Vit í løgtinginum kunnu vísa samfelagsinni við at løgtingið ikki nýtist at kosta 17 mió. kr. meira næsta ár enn í fjør.
- Kostnaðurin at hækka mótrokningina til 90.000 kr. er 13 mió. krónur. So tær kunnu vit finna bara á áðurnevndu játtanum, segði Jørgen Niclasen millum annað.
Um tú veitst okkurt, sum VP ikki veit - skriva so til vp@vp.fo