Nógv tjak hevur verið, nú FSF hevur tikið avgerð um, at dystirnir í landskappingini skula leikast uttan áskoðarar. Okkurt bendir á, at henda støða møguliga kann broytast.
Í eini viðmerking á Facebook sigur FSF-forsetin soleiðis:
- Avgerðin er tikin eftir tilmæli frá heilsumyndugleikunum. Tað er eisini soleiðis, at ÍSF hevur mælt øllum sínum sersombondum til at fyglja hesum tilmæli.
- Sjálvur havi eg ongan kunnleika hvussu slík smitta fer fram. Tí kann FSF ikki gera annað enn at fylgja slíkum fakligum tilmælum.
- Hetta er ein sera keðiliga støða. Tí fara vit í FSF eisini í komandi viku at umrøða hetta nærri við heilsumyndugleikarnar, alt fyri at vita, um tað ikki ber til at finna tryggar loysnir.
- Í Danmark er sama avgerð tikin. Danski fótbóltsmyndugleikin hevur tikið avgerð um, at allir dystir í mars verða leiktir uttan áskoðarar.
Um tú veitst okkurt, sum VP ikki veit - skriva so til vp@vp.fo