Bjargingarserfrøðingar úr øllum Europa eru farnir til Turkalands í eini roynd at bjarga 40 ára gamla hellisfrøðinginum Mark Dickey.
Amerikanarin situr fastur einar túsund metrar niðri eftir at hann gjørdist sjúkur, skrivar tíðindastovan AP.
Hellisfrøðingurin Mark Dickey – sum er sagdur at vera hellisklintrari við nógvum royndum – gjørdist bráðsjúkur leygardagin 2. september undir eini ekspedisjón í Morca-hellinum í Taurusfjøllunum, har suðuri í Turkalandi. Har fór hann til tess at kortleggja hellið.
Innvortis bløðing hevur gjørt ekspedisjónina til eitt drama um lív ella deyða. Í gjár hevði Dickey etið eitt sindur fyri fyrstu ferð í fleiri dagar, skrivar AP.
Orsøkin til hví Dickey gjørdist sjúkur er ikki kend, skrivar VG.
Um tú veitst okkurt, sum VP ikki veit - skriva so til vp@vp.fo
