Veterineru myndugleikarnir í Svøríki hava staðfest herviligu sjúkuna afrikanska svínapest hjá villsvínum einar 160 kilometrar norðan fyri Stokhólm. Og tað er ikki gott, tí sjúkan er sera deyðilig.
Tað er annars umleið 1.000 kilometrar til næsta stað, har sjúkan er staðfest, har eysturi í Týsklandi.
Hvussu sjúkan er komin til Svøríkis, dugir ongin at siga.
Sjúkan smittar ikki fólk.
Hon er vanlig í eitt nú Russlandi, Kina, Póllandi, Rumenia, Týsklandi og Ungarn.
Tá sjúkan er staðfest, eru einastu ráðini at drepa og burturbeina øll svínini á garðinum.
Framleiðarar av svínakjøti í Norðurlondum stúra nú fyri, at sjúkan kann fara at breiða seg til onnur lond eisini.
Um tú veitst okkurt, sum VP ikki veit - skriva so til vp@vp.fo
