Grindin sum legði beinini í Leynum í gjár verður skift í drápspartar og heimapartar í Kvívík og Vestmanna.
Tað upplýsir Finnbogi Midjord, sýslumaður, fyri VP.
Hvalirnir vóru tilsaman 51 í tali. Skinnatalið var 474.
- Grindin verður skorin upp um tvey tíðina og seðlarnir koma út aftaná kirkjutíð, sigur Finnbogi Midjord.
Spurdur um grindin er góð, sigur Finnbogi Midjord, at talan er um stórar hvalir.
- Men teir hava so at siga allir svullir og lús, sigur hann.
Tað er nakað lýtt í veðrinum, men hvalirnir verða spulaðir alla tíðina, so teir ikki skulu gerast ov heitir og tvøstið spillast.
Um tú veitst okkurt, sum VP ikki veit - skriva so til vp@vp.fo