Vit hava havt ringt veður í allan dag og enn í kvøld er illveður nógvastaðni.
Sambært veðurtænastunum á netinum skulu vit rokna við miðalvindferð uppá 24 metrar um sekundið og upp til 30 m/s í hvirlunum av suðri ella útsynningi.
Eisini aldumátararnir hjá Landsverki vísa støðuna. Vestanfyri er hæddin í skrivandi løtu 10,4 metrar, sunnanfyri 9,3 metrar, eystanfyri er alduhæddin 7 metrar og norðanfyri 3,8 metrar.
Tað skal batna so líðandi eftir midnátt og um trý tíðina er tað ringasta av. Í morgin er minni vindur, men longu mánadagin brennur hann á aftur, nú av høgætt og vindurin heldur fram eisini týsdagin, tó at hann minkar so líðandi.
Um tú veitst okkurt, sum VP ikki veit - skriva so til vp@vp.fo
