Tanum hevur verið í Nólsoy eftir fólki nú Erla Kongsdóttir er tikin úr siglingini, tí rútur í stýriborði brotnaði, tá Erla Kongsdóttir var á veg úr Nólsoy til Havnar í morgun.
Eini 30 fólk vóru við, tá óhappið hendi.
Hetta er aðruferð at rútur er brotnaður á Erlu Kongsdóttir, og tá lá skipið í fleiri vikur, til tað var umvælt. Tá varð sagt, at nýggir rútar av betri tilfari skuldu setast í.
VP skrivaði fyrr í morgun, at ongin dramatikkur var umborð, tá rúturin brotnaði. Rúturin var lamineraður, so hol kom ikki á. Men ferðafólkini hava fingið at vita, at ferjan siglir ikki meira fyribils.
Rúturin sum brotnaði í morgun er ikki ein av rútunum sum áður er brotnaður.
Um tú veitst okkurt, sum VP ikki veit - skriva so til vp@vp.fo