Tað hevur verið ein svár tíð hjá José Mourinho í Manchester United, og nú er okkurt sum bendur á, at portugisarin hevur fingið nokk av átta leikarum.
Sambært enska miðlinum The Telegraph hevur fyrrverandi Chelsea-venjarin útvalt átta mans, hann ynskir at selja sum partur av sínum prosjekti til tess at fáa United til tops aftur.
Bastian Schweinsteiger og Michael Carrick eru kendastu nøvnini á listanum, og eisini vengurnir Memphis Depay og Ashley Young eru leikarar sum Mourinho vil hava av Old Trafford, skrivar norska Nettavisen.
Og teir tríggir verjuleikarnir Matteo Darmian, Phil Jones og Marcos Rojo standa eisini á listanum hjá Mourinho. Og seinasta navn á listanum er franski Morgan Schneiderlin.
Um tú veitst okkurt, sum VP ikki veit - skriva so til vp@vp.fo